“Səhvlərimiz çox oldu”

Bu gün “Qarabağ” premyer liqanın 14-cü turunda səfərdə “Sabah”a 2:1 qalib gəlib. Allsport.az saytı xəbər verir ki, mətbuat konfransında qonaqların baş məşqçisi Qurban Qurbanov bunu deyib:

“Futbolçularımı təbrik edirəm. Çox yaxşı oyun getdi. Azarkeşlər üçün maraqlı oyun oldu. Səhvlərimiz çox oldu. Bunu normal qəbul edirəm.

Fasilədən sonra komandanın hazırlıqları biraz fərqli olub. Amma bu cür rəqibə qarşı oynamaq hər zaman bizə xoşdur. Çox sürətli oyunçuları olan bir komandadır. “Sabah” məğlub olmağa layiq deyildi.

Çox vacib 3 xal idi. Futbolçularım çox zətmət çəkdi. Bütün azarkeşlərə bu cür atmosferə görə təşəkkür edirəm”.