“Sağlam və güclü rəqabət hər bir futbolçu üçün yaxşıdır”

“Məşqlərimiz yüksək səviyyədədir. Ümumiyyətlə, toplanışda fiziki hazırlığa önəm veririk. Hər şey yaxşıdır və məşqlər normal keçir”.

Allsport.az xəbər verir ki, bu sözü “Neftçi”nin futbolçusu Mirabdulla Abbasov deyib. 26 yaşlı hücumçu klubun onun mövqeyinə oyunçu axtarmasına da münasibət bildirib. O, hər zaman rəqabətə hazır olduğunu söyləyib:

“Həmişə demişəm ki, sağlam və güclü rəqabət hər bir futbolçu üçün yaxşıdır. Bu, özünü daha inkişaf etdirməsi üçün önəmlidir”.