Sezar Rodrigesdən 10-cu qol

Xulio Sezar Rodriges “Zirə”də 10-cu qolunu vurub. Allsport.az saytı xəbər verir ki, paraqvaylı hücumçunun yubiley topu 4-cü turda “Sumqayıt”la səfər matçına (2:1) təsadüf edib.

Bu ilin əvvəlində transfer olunan forvard ötən mövsüm çempionatda 8, kubokda 1 qol vurub. O, özünün 10-cu qolunu meydana çıxdığı 18-ci görüşdə rəqib qapısından keçirib. Cənubi amerikalının orta məhsuldarlığı 0,55-ə bərəbərdir.