“Sumqayıt” Suliman ilə 2 illik müqavilə imzalayıb

Allsport.az xəbər verir ki, yeni mövsüm üçün transfer çalışmalarını davam etdirən “kimyaçılar”, Portuqaliyada “Vitoria Gimaraeş”in futbolçusu İsa Suliman ilə 2 illik müqavilə imzalayıb.

Pakistanlı son mövsümü icarə əsasında “Vilafrankeze”də çıxış etmişdi.

“Aston Villa”nın akademiyasının yetirməsi olan 25 yaşlı mərkəz müdafiəçisi karyerası ərzində İngiltərənin “Çeltenhem”, “Qrimsbi Taun”, Niderlandın “Emmen”, Portuqaliyanın “Nasional”, “Vilafrankeze” və “Vitoria Gimaraeş” klublarında oynayıb.

İsa İngiltərənin U-16, U-17, U-18, U-19, U-20, Pakistanın isə əsas milli komandasına da cəlb olunub.