“Sumqayit”da çadlı hücumçu

Yeni mövsümü üçün transfer çalışmalarını davam etdirən “Sumqayıt”, son klubu Kipr “Anortosis”i olan Çad millisinin üzvü Kasimir Ninqa ilə 1 illik müqavilə imzalayıb. Allsport.az saytı xəbər verir ki, 30 yaşlı cinah hücumçusu “11” nömrəli geyimdə çıxış edəcək.

O, karyerası ərzində “Monpelye”, “Kann”, “Anje” (hamısı – Fransa), “Sivasspor” (Türkiyə), “Anortosis” (Kipr) kimi klublarda çıxış edib. Çad millisində 18 oyun keçirən Ninqa 5 dəfə rəqib qapılarına yol tapıb.