Tərlan Əhmədov: “Səhvlərdən nəticə çıxarmaq istəyirik”

“Keşlə” premyer liqanın 20-ci turunda öz meydanında “Qarabağ”a 0:2 uduzub. Allsport.az saytı xəbər verir ki, mətbuat konfransında “qırmızılar”ın baş məşqçisi Tərlan Əhmədov bunu söyləyib:

“Maraqlı bir oyun izlədik. “Qarabağ”ı layiqli qələbə münasibəti ilə təbrik edirəm. Bu gün əsas heyətin 3 futbolçusu oyunu buraxırdı.

Buna baxmayaraq, onların əvəzinə meydana çıxan oyunçuların çıxışından razı qaldım. Getdikcə oyunlar daha da ağırlaşır. Bu qarşılaşmadakı səhvlərdən nəticə çıxarmaq istəyirik”.