Tellur 100-ü haqladı

Premyer liqanın 13-cü turu “Sumqayıt”ın futbolçusu Tellur Mütəllimov üçün əlamətdar olub. Allsport.az saytı xəbər verir ki, 25 yaşlı yarımmüdafiəçi 100-cü oyununu keçirib. Bu, “Sabah”la ev matçına təsadüf edib.

Debütü 2015/16 mövsümündə gerçəkləşən Mütəllimov 100 oyunda 11 qol vurub. O, üç klubun şərəfini qoruyub. Premyer Liqada ilk dəfə “Zirə” forması ilə meydana çıxan futbolçu bu klubda 63 görüşdə 4 qola imza atıb.

“Qəbələ”də 24 matça çıxan Tellur 5 dəfə fərqlənib. Millimizin üzvü “Sumqayıt”dakı 13 matçda 2 dəfə rəqib qapısına yol tapıb.

Həmin kateqoriyadan