Topaz Premyer Liqasında 14-cü tur rəqəmlərdə

Bu həftə Topaz Premyer Liqasında 14-cü turun oyunlarına start veriləcək. Allsport.az xəbər verir ki, 4 gün davam edəcək tur “Qarabağ”la “Neftçi” arasında qarşılaşma ilə əlamətdar olacaq.

Ölkə çempionatlarının daimi iştirakçıları turun mərkəzi oyununda üz-üzə gələcək. Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edir.

14-cü tur

27 noyabr (cümə)

66. “Kəpəz” – “İnter” – 19 oyun, +4=2-13, top fərqi 18-39

5 oyundur uduzmayan “İnter” son 4 qarşılaşmada qalib gəlib. Gəncə təmsilçisi son iki ev oyununda xal qazana bilməyib.

28 noyabr (şənbə)

68. AZAL  – “Sumqayıt” – 17 oyun, +6=8-3, top fərqi 24-18

Ardıcıl 3 matçda heç-heçə qeydə alınıb. AZAL indiyədək öz meydanında uduzmayıb. Bakılılar son 5 qarşılaşmada uduzmayıb. AZAL-ın son 3 ev oyununda hər iki komanda qol vurub.

67. “Zirə” – “Xəzər Lənkəran” – 1 oyun, +1=0-0, top fərqi 1-0

Komandalar ilk dəfə cari mövsümdə görüşüb. Yeganə qarşılaşmada “Zirə” minimal hesabla qalib gəlib. Rəqiblər ilk dəfə Bakıda görüşəcək.

29 noyabr (bazar)

69. “Neftçi” – “Qarabağ” – 61 oyun, +17=24-20, top fərqi 58-60

“Neftçi” 9 oyundur “Qarabağ”a qalib gəlmir. Bakılılar bu qarşılaşmalarda cəmi 4 xal əldə edib. Ağdamlılar sonuncu dəfə 2013-cü il mayın 4-də məğlub olub. “Qarabağ” son 3 səfər oyununda qalib gəlib.

* – neytral meydanda keçirilib.

** – texniki nəticə top fərqində nəzərə alınmayıb.

30 noyabr (bazar ertəsi)

70. “Qəbələ” – “Rəvan” – 9 oyun, +6=1-2, top fərqi 19-8

“Rəvan” son 6 qarşılaşmada qalib gəlməyib. Ardıcıl 2 qələbə qazanan “Qəbələ” son iki ev matçında qol buraxmayıb.