Türkiyə mətbuatı “Zirə”nin düşərgəsinə baş çəkdi

“Zirə” təlim-məşq toplanışınının 2-ci mərhələsini Türkiyədə davam etdirir. Allsport.az xəbər verir ki, Ərzurumda toplaşan “qartallar” gündə 2 dəfə olmaqla məşq edirlər.

Komandanın hazırlığı Türkiyə mətbuatının da diqqət mərkəzindədir. Belə ki, dünən keçirilən məşqlərdə həm “Yeni Şafak” qəzetinin əməkdaşı, həm də Türkiyənin ən nüfuzlu xəbər agentliklərindən biri olan Cihan Xəbər Agentliyinin çəkiliş qrupu olub. Baş məşqçi Adil Şükürovdan müsahibə alan yerli jurnalistlər futbolçuların da fikirlərini öyrəniblər.