Yaşar Seyidov: “Premyer Liqada çıxış edəcək gücdəyik”

“Bakı”nın vitse-prezidenti Yaşar Seyidov klubun gələcək planlarından açıqlanıb. Allsport.az xəbər verir ki, o, bunları söyləyib:

“Bakı” klubunun prezidenti Hafiz Məmmədov hazırda AFFA-da rəhbərliklə komandanın ya Premyer Liqada, ya da birinci divizionda oynaması məsələsini müzakirə edir. Biz yüksək dəstədə çıxış etmək gücündəyik. Düzdür, çempionatın başlamasına az qalıb. Amma biz bunu da düşünmüşük. 3-4 futbolçu ilə danışıq aparmışıq. Bügunkü söhbət müsbət nəticələnsə, həmin oyunçularla müqavilə bağlayacağıq”.