“Neftçi” əsas mərhələdə

“Neftçi” basketbol komandası FİBA Avropa kubokunda növbəti oyununu keçirib.

Allsport.az xəbər verir ki, təsnifat mərhələsində Estoniyanın “Parnu” kollektivi ilə cavab görüşünə çıxan “ağ-qaralar” 61:73 hesabı ilə uduzsalar da, iki qarşılaşmanın ümumi hesabına əsasən əsas mərhələyə yüksəlməyi bacarıb.

Paytaxt təmsilçisi Bakıda keçirilən ilk görüşdə 80:67 hesablı qələbə qazanmışdı.

“Neftçi” FİBA Avropa kubokunun əsas mərhələsinin “H” qrupunda “Oradya” (Rumıniya), “Fribur Olimpik” (İsveçrə), VEF (Latviya), “Mikonos” (Yunanıstan) və “Lokomotiv” (Plovdiv, Bolqarıstan) komandaları ilə oynayacaq.