Adası əlindən alınıb

“Tottenhem”in hücumçusu Rişarlison Braziliya prezidentliyinə namizəd Flavio Bolsonarunu şəxsi adasını itirməsində əli olmaqda ittiham edib.

Allsport.az xəbər verir ki, münaqişə futbolçunun öz mülkiyyətini siyasətçiyə satmaqdan imtina etməsindən sonra yaranıb.

Rişarlisonun sözlərinə görə, sonradan məhkəmə prosedurları nəticəsində ada başqa şəxslərin mülkiyyətinə keçib. Hücumçu daşınmaz əmlaka təxminən 1,7 milyon avro sərmayə qoyduğunu, lakin əmlakını itirdiyinə görə heç bir kompensasiya almadığını iddia edib.

29 yaşlı futbolçu adanın başqa şəxslərin mülkiyyətinə keçməsinin səbəblərini və Bolsonarunun bu məsələdə mümkün rolunu müəyyənləşdirmək üçün polis araşdırmasının aparılmasını tələb edir.