AFFA “Sumqayıt”ın prezidenti və baş məşqçisinə ciddi xəbərdarlıq etdi

Bu gün AFFA intizam komitəsinin iclası keçirilib. Allsport.az saytı xəbər verir ki, aparılan müzakirələrdən sonra premyer liqanın 2-ci turu ilə bağlı qərarlar qəbul olunub:

“Sabah” – “Keşlə” matçının 74-cü dəqiqəsində qonaq futbolçu Sezar Meza Kolli ikinci sarı vərəqə alaraq meydançadan kənarlaşdırıldığı üçün, 1 oyun cəzalanıb, klubu 200 manat cərimə olunub.

“Zirə” – “Neftçi” matçının 80-ci dəqiqəsində meydan sahiblərinin məşqçisi Anar Niftəliyev texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb, klubu 800 manat cərimələnib.

“Sumqayıt” – “Səbail” matçı başa çatdıqdan sonra “kimyaçılar”ın prezidenti Riad Rəfiyev və baş məşqçi Ayxan Abbasov oyunun hakiminin qərəzli idarə etməsi haqqında fikirlər bildiriblər. İntizam komitəsi hər 2 şəxsə ciddi xəbərdarlıq edir. Bu hal təkrar olunarsa, sözügedən şəxslər intizam məcəlləsinə uyğun olaraq ciddi cəzalanacaqlar.