Ayxan Abbasov: Dönüş yaratmağa çalışdıq, amma əvəzində qapımızda qollar gördük

“Sumqayıt”ın baş məşqçisi Ayxan Abbasov premyer liqasının 9-cu turunda “Neftçi”yə qarşı oyundan danışıb. Allsport.az saytı xəbər verir ki, o, 2:4 uduzduqları görüşlə bağlı bunu söyləyib:

“Erkən qol vursaq da, təəssüf ki, diqqətsizlik etdik və hesabda geri düşdük. Fasilədən sonra dəyişikliklər etdik, dönüş yaratmağa çalışdıq, amma əvəzində qapımızda qollar gördük.

Qarşıdakı matçlara daha ciddi hazırlaşacağıq. Azarkeşlərimiz də qələbə gözləyir, onlar da narahatdırlar. Çalışacağıq növbəti matçlarda onları sevindirək”.