“Bahar kuboku”na 7 təmsilçi ilə

24-26 apreldə Türkiyənin Adana şəhərində kayak və kanoe üzrə “Bahar kuboku” beynəlxalq yarışı keçiriləcək.

Allsport.az xəbər verir ki, Azərbaycan milli komandası bu turnirdə 7 nəfərlik heyətlə təmsil olunacaq. Onlar arasında 5 nəfər – Amil Ramazanov, Əlimurad Hacızadə, Vacib Babayev, İvan Vorobjanskiy və Elmir Tarverdiyev kayak növündə yarışacaq. Kanoe qayığında isə 2 idmançı – Hüseyn Səmədli və Tatyana Smilovenko mükafat qazanmağa çalışacaq.