Bakıdadakı dünya kubokunda daha bir növdə mükafatçılar bəlli olub

Allsport.az xəbər verir ki, Bakıda keçirilən atıcılıq üzrə dünya kubokunda daha bir növdə mükafatçılar bəlli olub. Kişilər arasında 10 metr məsafəyə pnevmatik tüfəngdən atəş üzrə yarışın final mərhələsi keçirilib.
8 idmançının medal uğrunda yarışdığı finalda 3-cü yeri çinli Lihao Şenq tutub. O, mərhələni 230.5 xalla başa vurub.

Gümüş medalı Hindistan təmsilçisi Hriday Hazarika əldə edib. O, 251.9 xal qazanıb.

Yarışın qalibi isə Macarıstan idmançısı Zalan Pekler olub. 252.4 xal toplayan idmançı bütün rəqiblərini qabaqlayıb.

Bu gün həmçinin qadınlar arasında da 10 metr məsafəyə pnevmatik tüfəngdən atış üzrə yarışın qalibi bəlli olacaq.