Cəlal Qurbanovun 2-ci qələbəsi

Xorvatiyanın Poreç şəhərində 22 yaşadək boksçuların Avropa çempionatı davam edir. Allsport.az saytı xəbər verir ki, yarışın 5-ci günündə Cəlal Qurbanov (63,5 kq) 2-ci döyüşünü qələbə ilə bitirib.

O, 1/4 finalda İqor Kovtunla (Ukrayna) qarşılaşacaq. Döyüş martın 19-da baş tutacaq. Həmin gün yarımfinal uğrunda Nicat Hüseynov (51 kq), Ruslan Qədirov (54 kq), Maqsud Xasmetov (57 kq) və Nəbi İsgəndərov (67 kq) da rinqə çıxacaqlar.