Rüfət Dadaşov Almaniyada növbəti matçına çıxdı

Almaniyanın Şimal-Şərq Regional Liqasında 17-ci turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Rüfət Dadaşovun komandası – “Germaniya Halberştadt” klubu da növbəti matçına çıxıb.

Sözügedən komanda doğma meydanda “Karl Zeyss”lə qarşılaşıb. Matç futbolçumuzun komandasının 0:1 hesablı məğlubiyyəti ilə başa çatıb. Rüfət bu matçın 64-cü dəqiqəsində meydana çıxıb.

Qeyd edək ki, Dadaşovun komandası 5 xalla 18 klub arasında sonuncu pillədə qərarlaşıb.