“Heç kim burada bundesliqaya xüsusi maraq göstərmir”

Allsport.az xəbər verir ki, “Arsenal”ın keçmiş qapıçısı, hazırda “Fulhem”də çıxış edən Bernd Leno bildirib ki, İngiltərədə bir çox insanlar bundesliqanı “Fermerlər Liqası” adlandırırlar:

“Əlbəttə, mən hesab edirəm ki, bu termin yersizdir. Amma düzünü desəm, burada hamı bundesliqanı belə adlandırır. Bu, premyer liqa ölkəsidir və heç kim burada bundesliqaya xüsusi maraq göstərmir: nə ingilislər, nə də əcnəbilər.

“İnkişaf Liqası” adı buna daha uyğun olardı. İstedadlı futbolçular çox vaxt Almaniyaya gedirlər, sonra isə premyer liqaya keçirlər. Holand, de Bruyne və Gündoğan nümunələrinə baxın”.