“Kəpəz” bayraqdarla paytaxtda qarşılaşacaq

Çempionatın 2-ci hissəsinə hazırlığı ölkə daxilində keçirəcək “Kəpəz”in yoxlama oyunundakı rəqiblərindən biri məlum olub. Allsport.az saytı xəbər verir ki, “sarı-göylər” yanvarın 23-də “Neftçi” ilə qarşılaşacaq. Matç “Bakcell Arena”da saat 17:00-da başlayacaq.

Qeyd edək ki, Gəncə klubu Topaz Premyer Liqasının qış fasiləsi müddətində 3 yoxlama matçı keçirəcək. “Kəpəz”in digər iki rəqibi isə hələ müəyyənləşməyib.