Səlahət Ağayev: “Qarabağ”a məğlubiyyəti faciəyə çevirmək olmaz”

“İnter”in qapıçısı Səlahət Ağayev Topaz Premyer Liqasının 15-ci turu çərçivəsində “Qarabağ”a qarşı keçirdikləri oyunu şərh edib. Allsport.az saytına açıqlamasında o, 0:1 hesabıyla uduzduqları görüşdən sonra bunları söyləyib

“Qarabağ” haqqında nəsə söyləməyə ehtiyac yoxdur. Rəqib ölkənin ən səviyyəli komandasıdır. Ona görə məğlubiyyəti faciəyə çevirmək olmaz. “İnter”də qalıram. İnanıram ki, problemlərimiz həll olunacaq. Düzdür, maliyyə vəziyyəti əvvəlki kimi deyil. Ancaq maaş alırıq. Buna da min şükür. Premyer Liqada liderler qrupundayıq. Mubarizəmizi sonadək davam etdirəcəyik”.