Soni Mustivar: Psixoloji baxımdan çox əhəmiyyətli qələbə idi

“Neftçi”nin yarımmüdafiəçisi Soni Mustivar premyer liqasının 3-cü turunda “Sumqayıt”a qarşı oyundan sonra açıqlama verib. Allsport.az saytı xəbər verir ki, haitili futbolçu 2:1 hesablı qələbənin psixoloji baxımdan çox əhəmiyyətli olduğunu bildirib:

“Bütün komandanı təbrik edirəm. Son dəqiqəyə qədər vuruşduq. Artıq neçənci oyundu ki, yaratdığımız qol vəziyyətlərindən yaxşı istifadə edə bilmirik. Psixoloji baxımdan çox əhəmiyyətli qələbə idi. Hər kəs hakimin işini gördü. Bununla bağlı danışmaq istəmirəm. Qələbə qolumuza gəlincə, feyr-pley qaydalarına zidd vurulmayıb.

Çünki həm “Sumqayıt”ın futbolçusu top çıxmazdan əvvəl ayağa qalxıb oyuna davam etmişdi, həm də həkimlərdən heç kim meydana daxil olmamışdı. “Sumqayıt”ın futbolçusuna hər hansı tibbi yardım göstərilsəydi, təbii ki, biz topu rəqibə qaytarmalıydıq. Amma qol epizodunda belə hal yox idi”.

Həmin kateqoriyadan