“Xəzər-Lənkəran”ın mətbuat sözçüsü: Əsas ümidimiz ölkə kubokunadır

“Xəzər-Lənkəran” klubunun mətbuat sözçüsü Hüseyn Cəbrayıloglu komandasının hazırkı durumunu dəyərləndirib. Allsport.az saytı xəbər verir ki, o, qış fasiləsində toparlanaraq, ölkə kubokunda iddia ortaya qoyacaqlarını deyib:

“Bu mövsüm üçün məqsəd çempionluq idi. Güclü transferlər də həyata keçirmişdik. Təəssüf ki, FİFA klubumuza transfer qadağası tətbiq etdi. Belədə, iddia da arxa plana düşdü.

Bu gün klubumuz heç bir kluba asan yenilməyib. İnşallah, bu sezon üçün bir ümıd qalıb ki, o da ölkə kubokudur. Bildiyiniz kimi, 1/4 final mərhələsinə vəsiqə qazanmışıq. Çalışacağıq kubok oyunlarında uğurlu çıxış edək”.