“Xoruzlar”da müvəqqəti ayrılıq

“Tottenhem” sol cinah müdafiəçisi Serxio Reqilonu cari mövsümün sonuna qədər icarə əsasında “Brentford”a göndərdiyini açıqlayıb.

Allsport.az xəbər verir ki, 27 yaşlı ispaniyalı 2023/24 mövsümünün ilk hissəsini icarə əsasında “Mançester Yunayted”də keçirib. O, mankunianlıların heyətində bütün turnirlərdə 12 oyun keçirsə də, qol vura bilməyib.

Onun “xoruzlar”la müqaviləsi 2025-ci ilin yayına qədərdir.