Azərbaycan komandası “Neymar Jr’s-5” dünya çempionatının finalına qatılacaq

9 iyulda Braziliyanın San-Paulu şəhərində “Neymar Jr’s-5” üzrə dünya çempionatının finalı keçiriləcək. Allsport.az saytı xəbər verir ki, ölkəmizi bu yarışda “Red Bull Winning-5” unikal futbol çempionatının milli finalının qalibi “De Facto” təmsil edəcək.

6 kontinentdən olan 47 komanda öz aralarında idman ulduzu böyüdüyü yerdə, Praya Qrandi-də mübarizə aparacaqlar. Qaydaya əsasən, hər bir vurulmuş qol, rəqibin bir oyunçunu oyundan kənarlaşdırır.

İndi hamı diqqətini “Barselona”nın super ulduzu və 2021-ə qədər ispan klubu ilə müqaviləni uzatmış futbolçunun adını daşıyan 1-ci yarışda qələbəyə yönəldib.