Boks yığmamız Qətərdə 3-cü oldu

Azərbaycan yığması Qətərdə keçirilən boks üzrə dünya çempionatında ümumkomanda hesabında üçüncü yeri tutub. Allsport.az xəbər verir ki, komandamız mundialı bir qızıl, bir gümüş və iki bürünc medalla başa vurub.

Qeyd edək ki, Elvin Məmişzadə (52 kq) bütün rəqiblərinə qalib gələrək, dünya çempionu olub. Albert Səlimov (60 kq) yalnız finalda uduzaraq, gümüş medala sahib çıxıb. Pərviz Bağırovla (69 kq) Abdulqadir Abdullayev (91 kq) isə bürünc medal qazanıblar.

Dünya çempionatında 4 qızıl, 2 gümüş və 1 bürünc medal qazanan Kuba yığması birinci yeri tutub. İkinci yerdə isə Rusiya boksçuları qərarlaşıblar – 2-1-1.