Şamaxıda təlim-məşq toplanışı

Boks üzrə yeniyetmələrdən ibarət Azərbaycan millisi təlim-məşq toplanışına yollanıb.

Allsport.az xəbər verir ki, yığma bu gün start götürəcək hazırlığı Şamaxıda keçəcək.

Məşqçilər korpusu toplanışa U-17 Azərbaycan çempionatında özlərini yaxşı tərəfdən göstərənləri cəlb edib. 22boksçunun qatılacağı məşqlərdə əsas diqqət taktiki hazırlığa yönələcək.

Avropa çempionatına hazırlıq xarakteri daşıyan toplanış avqustun 17-də yekunlaşacaq.