Boksçularımız beynəlxalq turnirdə

Azərbaycanın U-15 boks millisi Qazaxıstanda təşkil olunacaq beynəlxalq turnirdə qüvvəsini sınayacaq.

Allsport.az xəbər verir ki, məktəbli boksçular arasında keçiriləcək yarış avqustun 6-da start götürəcək.

​Qazaxıstanın Akmola vilayətinin Qorğaljın rayonunda təşkil olunacaq beynəlxalq turnir 4 gün davam edəcək.

Məşqçi Etibar Abdullayevin rəhbərliyi altında rəqibləri ilə rinqdə Sərxan Haqverdiyev (70 kq) və Teymur Tanrıverdiyev (+70 kq) üz-üzə gələcəklər.

​Beynəlxalq turnirə avqustun 9-da yekun vurulacaq.