Çaparımız Belçikada növbəti uğurunu qazanıb

Avqustun 31-i Belçikada CSİ-2* kateqoriyalı beynəlxalq “Opglabbeek” turnirinə yekun vurulub. Allsport.az saytı xəbər verir ki, 3 günlük yarışda ölkəmizi milli komandamızın üzvü Patrick Mc Entee təmsil edib. Yarışın ilk günü idmançımız “April Marais Mury Z” ləqəbli atla üçüncü olub.

 

Beynəlxaq Turnirin ikinci günündə də eyni atla çıxış edən Patrick Mc Entee bu dəfə yarışı lider kimi başa vurub. Təmsilçimiz bu uğurun davamını yarışın üçüncü günü, Qrand-pri mərhələsində də təkrarlamağı bacarıb. Nəticədə Patrick Mc Entee “Opglabbeek” turnirinin qalibi olub.

 

Təmsilçimiz eyni zamanda 1.35 sm hündürlüyü olan maneələrə qarşı yarışlarda da iştrak edib. Mc Entee “Alice” ləqəbli atla bu yarışın üçüncüsü olub.

Həmin kateqoriyadan