“Qəbələ” uğuru stadionda deyil, rəsədxanada axtarır

Gənclərin idmanla yanaşı intellektual inkişafının təminatını daim diqqətdə saxlayan “Qəbələ” idman klubu bu istiqamətdə daha bir təşəbbüs həyata keçirib.

Allsport.az saytı xəbər verir ki, “qara-qırmızılar”ın futbol akademiyasının 15 yaşadək futbolçulardan ibarət komandasının oyunçuları üçün Azərbaycan Milli Elmlər Akademiyası Nəsirəddin Tusi adına Şamaxı Astrofizika Rəsədxanasına ekskursiya təşkil olunub.

Gənc futbolçular əvvəlcə Pirqulunun gözəl təbiətini gəzib, rəsədxananın Astronomiya Muzeyini seyr edib və alimlərin iş şəraiti ilə tanış olublar.