Rüfət Dadaşovun komandası “Herta” ilə heç-heçə edib

Almaniyanın Şimal-Şərq Regional Liqasında 27-ci turun oyunları keçirilib. Allsport.az saytı xəbər verir ki, Azərbaycan millisinin sabiq hücumçusu Rüfət Dadaşovun komandası – “Germaniya Halberştadt” klubu da növbəti matçına çıxıb.

Bu komanda səfərdə Berlin “Herta”sının ikinci kollektivi ilə qarşılaşıb. Matç məhsuldar heç-heçə ilə başa çatıb – 2:2. Rüfət bu matça start heyətdə başlayıb və sonadək mübarizə aparıb.

Qeyd edək ki, həmyerlimizin komandası hazırda 20 xalla 18 klub arasında 16-cı pillədə qərarlaşıb.