U-17-dən U-18-ə

17 yaşlılardan ibarət milli komandamızın baş məşqçisi Təbriz Həsənov postundan ayrılacaq. Allsport.az saytı xəbər verir ki, buna AFFA rəhbərliyi ilə Məşqçilər Komitəsini bu gün baş tutan iclasında qərar verilib.

Amma o, 3 il çalışdırdığı komandadan ayrı qalmayacaq. AFFA Təbriz Həsənovu U-18-ə baş məşqçi təyin edəcək. Onun U-17-dəki vəzifəsini isə U-16-nı çalışdıran Rafiq Mirzəyev tutacaq.

Qeyd edək ki, AFFA bu təcrübədən yararlanmaqla həmin mütəxəssislərin onların daha yaxından tanıdıqları futbolçulardan ayrı düşməməsinə çalışır.