Vəli Qasımov: “Ola bilsin ki, nəsə çatmadı”

“Neftçi”nin baş məşqçisi Vəli Qasımov ölkə çempionatının 31-ci turunda “Zirə”yə qarşı keçirdikləri oyunu şərh edib. Allsport.az saytı xəbər verir ki, paytaxt klubunun çalışdırıcısı 0:0 hesabı ilə bitən qarşılaşmadan sonra bunları söyləyib:

“Zirə” çempionatın debütantı olsa da, əla çıxış edir və layiqli olaraq ikinci pillədə qərarlaşıb. Biz bu gün qələbə qazanmaq üçün əlimizdən gələni etdik. Ola bilsin ki, nəsə çatmadı. Qələbə qazansaydıq, bundan razı qalardım. Amma bütövlükdə uşaqlar yaxşı oynadılar”.