Yığmamız Macarıstana qalib gəlib

Çimərlik futbolu üzrə FIFA Dünya Kuboku-2017-in Avropa komandaları arasında seçmə mərhələsində Azərbaycan millisi 2-ci oyununu keçirib. Allsport.az saytı xəbər verir ki, İtaliyanın Yezolo şəhərində təşkil olunmuş görüşdə komandamız Macarıstan yığmasını məyus edib – 7:3.

Sabir Allahquliyevin het-trik, Asif Zeynalovun dubl etdiyi oyunda hərəyə 1 dəfə Orxan Məmmədov və Ramil Əliyev fərqləniblər.

Millimiz qrupda son oyununu sentyabrın 6-da Bolqarıstana qarşı keçirəcək. Matç Bakı vaxtı ilə saat 11:00-da başlayacaq. Komandamız ilk oyununda Fransaya 2:3 hesabıyla uduzmuşdu.