Araz Abdullayevin komandası 1/8 finala yüksəlib

Kipr kubokunda 1/16 finalının oyunları keçirilib. Allsport.az saytı xəbər verir ki, millimizin futbolçusu Araz Abdullayevin şərəfini qoruduğu “Anortosis” səfərdə “Ksilotimpu” ilə qarşılaşıb.

Görüş qonaqların 2:1 hesablı qələbəsi ilə yekunlaşıb. Famaqusta təmsilçisi bu qələbə ilə 1/8 finala vəsiqə qazanıb.

Matça start heyətində başlayan həmyerlimiz 90 dəqiqə meydanda olub. O, komandasnın qələbəsində məhsuldar ötürmə verib.