Avropa olimpiya təsnifat turnirinin tarixi dəqiqləşdi

Boks üzrə kişilər arasında keçiriləcək Avropa olimpiya təsnifat turnirinin tarixi dəqiqləşib. Allsport.az xəbər verir ki, yarış iyunun 4-18-də keçiriləcək.

Turnirin keçiriləcəyi yer hələ müəyyənləşməyib. Bununla bağlı martın 1-dək məlumat veriləcək. Yarışın Skandinaviya və ya Baltikyanı ölkələrdən birində təşkil olunacağı gözlənilir.

Ötən il martın 14-də Böyük Britaniyanın paytaxtında başlayan Avropa olimpiya təsnifat turniri üç gündən sonra koronavirus infeksiyası səbəbindən yarımçıq dayandırılıb.

Boksçumuz Tayfur Əliyev Avropa olimpiya təsnifat turnirində 1/4 finala yüksəlməklə Tokio olimpiadasına lisenziya əldə edib.