Avstraliya seçməsində yeni baş məşqçi

“Kristal Pəlas”ın sabiq futbolçusu Toni Popoviç Avstraliya millisinin baş məşqçisi olub. Allsport.az saytı xəbər verir ki, tərəflər arasında 2-illik müqavilə imzalanıb.

Bu vəzifədə 51 yaşlı mütəxəssis 2018-ci ilin iyulundan Avstraliya komandasına rəhbərlik etmiş Qrem Arnoldu əvəzləyib. O, komandanı 2022-ci il dünya çempionatının final mərhələsinə çıxarıb, burada komanda 1/8 finala yüksəlib və Argentinaya uduzub.

Avstraliya DÇ-2026-nın seçmə mərhələsinin son 2 oyununda Bəhreynə uduzub (0:1), İndoneziya ilə heç-heçə edib (0:0).

Popoviç məşqçi kimi Yunanıstan və Türkiyədə çalışıb. 2021-24-cü illərdə “Melburn” klubunu çalışdırıb.