Azarkeşlərə müraciət edib

“Mançester Siti”nin hücumçusu Erlinq Haaland klubun maliyyə pozuntuları ilə bağlı işi üzrə qərardan sonra azarkeşlərə müraciət edib.

Allsport.az xəbər verir ki, İngiltərə premyer liqası 2009–2018-ci illərdə maliyyə qaydalarının ciddi şəkildə pozulması ilə bağlı “şəhərlilər”i 115 ittihamdan 114-ü üzrə təqsirli bilib.

Klubu çempionluq titullarının əlindən alınması və liqadan kənarlaşdırılması da daxil olmaqla, müxtəlif sanksiyalar gözləyə bilər.

Haaland açıqlamasında komandanın birliyini qorumasının vacib olduğunu vurğulayıb:

“Biz birlikdə qalmalı, bir-birimizə dəstək olmalı və pozitiv düşünməliyik. Həyatda nə baş verməsindən asılı olmayaraq, hər zaman gülümsəməliyik. Önümüzə baxmalı, oyunlarda qalib gəlməyə çalışmalı və futboldan zövq almalıyıq. Birliyimizi qorumalı, bir-birimizə sevgi göstərməliyik”.

15 xalla İngiltərə premyer liqasının turnir cədvəlinə zirvəsində qərarlaşan “Mançester Siti” oktyabrın 11-də VI turda səfərdə “Liverpul”la qarşılaşacaq.