Azarkeşlər “Kəpəz” və “Sumqayıt” klublarını ziyana salıb

Bu gün AFFA intizam komitəsinin növbəti iclası keçirilib. Allsport.az saytı xəbər verir ki, aparılan müzakirələrdən sonra Topaz premyer liqasının 25-ci turunun oyunları ilə bağlı qərarlar çıxarılıb:

“Qəbələ” – “Kəpəz” matçında Gəncə klubunun azarkeşləri olan sektorda oturacaqlar sındırılıb. Stadiona dəymiş ziyan əsasında ev sahibinin təqdim edəcəyi hesab “sarı-göylər” tərəfindən ödənilsin.

“Sumqayıt” – “Səbail” matçının ikinci hissəsində “kimyaçılar”ın azarkeşləri tərəfindən meydançaya kənar əşyalar atıldığı üçün klub 1600 manat cərimə olunub.