Baş katib Parisdə həmyerlisi ilə

AFFA-nın baş katibi Cahangir Fərəcullayev Fransada işgüzar səfərdə olub. Allsport.az saytı xəbər verir ki, o, FİFA-nın Parisdə yerləşən idarəsində görüşlər keçirib.

Tanışlıq çərçivəsində ali futbol qurumunun Avropa üzrə regional direktoru Elxan Məmmədov, Regional əlaqələndirici Marion Gavat, həmçinin FİFA-nın bəzi departament rəhbərləri ilə görüşüb.

Görüşlərdə ölkəmizdə futbolun inkişafı üzrə əməkdaşlıq imkanları, kütləviliyin və futbola marağın artırılması məsələləri müzakirə olunub.

Eyni zamanda baş katibə FİFA-nın müxtəlif proqramları haqqında məlumat verilib.