Boksçularımızdan 4 medal

Rusiyanın Yakutsk şəhərində keçirilən “Asiya uşaqları” VIII beynəlxalq idman oyunlarında boks yarışları başa çatıb.

Allsport.az xəbər verir ki, yeniyetmələrdən ibarət Azərbaycan millisi turniri 4 medalla başa vurub.

Yarışın son günündə komandamızın heyətində Nihad Qasımov (48 kq) gümüş medala yiyələnib. Ondan öncə isə Haqverdi Həsənov (57 kq), Nurlan Abışov (60 kq) və Valeh Eyvazlı (66 kq) 3-cü yeri tutublar.