Debütantın müşahidə şurasında 2 dəyişiklik

“Səbail”in müşahidə şurasının heyətində dəyişiklik baş verib. Allsport.az saytı xəbər verir ki, komandanın fəaliyyətə başladığı ilk günlərdən MŞ-in üzvü olan Təbriz Həsənov və Tural Əsədov rəhbərliyə müraciət edərək, işlərinin çoxluğu səbəbindən qurumdan xaric olunmalarını xahiş ediblər.

“Səbail” rəhbərliyi müraciətləri müsbət dəyərləndirərək, klub adından bu şəxslərə səmərəli fəaliyyətlərinə görə təşəkkürünü bildirib, gələcək işlərində uğurlar arzulayıb.