FİFA “Bavariya”ya təzminat ödəyəcək

“Bavariya” müdafiəçisi Alfonso Devisin zədəsinə görə FİFA-dan təzminat alacaq.

Allsport.az xəbər verir ki, kanadalı KONKAKAF millətlər liqasının üçüncü yer uğrunda oyununda ABŞ-a qarşı oynayarkən dizinin çarpaz bağı qoparmışdı.

FİFA-nın Kanada milli komandasında aldığı zədəyə görə kluba ödəyə biləcəyi maksimum təzminat 7,5 milyon avro təşkil edir. Məbləğ oyunçunun maaşından və onun sıradan çıxma müddətindən asılıdır.

Devis martın 26-da sağ dizindən əməliyyat olunub. Onun təxminən 6 ay sonra meydana qayıda biləcəyi gözlənilir.