Futzal millisi böyük hesabla məğlub oldu

Azərbaycanın 19 yaşadək futzalçılardan ibarət millisi I MDB oyunlarında növbəti matçını keçirib.

Allsport.az xəbər verir ki, B qrupunda yer alan kollektiv ikinci sınağında Qırğızıstan seçməsi ilə qarşılaşıb. Görüş rəqibin 8:3 hesablı qələbəsi ilə başa çatıb.

Yığmanın heyətində Məhəmməd Abbasov 32-ci dəqiqədə birbaşa qırmızı vərəqə alaraq, meydandan qovulub.

Bu məğlubiyyətdən sonra qrupu sonuncu pillədə başa vuran Azərbaycan millisi sentyabrın 10-da 5-ci yer uğrunda görüşə çıxacaq.

Qeyd edək ki, yığma qrupdakı ilk görüşündə Belarusa 0:6 hesabı ilə uduzub.