Həkimlər üçün seminar

AFFA tərəfindən Azərbaycan premyer liqasında çıxış edən komandaların tibbi heyəti üçün UEFA-nın “Football Education Program”ına əsasən “Təxirəsalınmaz tibbi vəziyyətlər və zədələr” (ürək dayanması, anafilaksiya, qıcolmalar, baş zədələri, onurğa döş qəfəsi, üz zədələri) adlı seminar təşkil olunub.

Allsport.az xəbər verir ki, üç gün davam edən məşğələyə milli komandanın baş həkimi Vyaçeslav Xomenko rəhbərlik edib. Tədbirdə həmçinin millinin həkimi Olcay Bayramov da çıxış edib. İlk gündə həkim Cavad Cabbarov da təcrübələrini həmkarları ilə bölüşüb.

Seminarın keçirilməsində məqsəd komandalarda çalışan həkimlərin biliklərini daha da təkmilləşdirmək, futbolda tez-tez baş verən zədələr və onların UEFA standartlarına uyğun olaraq həlli yolları ilə tanış etmək olub.