Azərbaycan klublarından Avropa jubokunda qələbə

Budvada şahmat üzrə klublar arasında keçirilən Avropa kubokunda VI turun oyunları başa çatıb.

Allsport.az xəbər verir ki, kişilərin mübarizəsində təmsilçimiz “Vüqar Həşimov” klubu Almaniyanın “Sankt-Pauli 1910” kollektivini 5:1 hesabı ilə məğlub edib.

Qadınların yarışında isə “Odlar Yurdu” Lüksemburqun “Gambit Bonnevua” komandasına 2,5:1,5 hesabı ilə qalib gəlib.

Altı turdan sonra 10 xalı olan “Odlar Yurdu” turnir cədvəlinin üçüncü pilləsində qərarlaşıb. “Vüqar Həşimov” klubu isə 8 xalla 17-ci sıradadır.