“Azərbaycan dünyanın ən yaxşı gənc futbolçularını qarşılamağa hazırlaşır”

FİFA prezidenti Canni İnfantino 2027-ci ildə Azərbaycan və Özbəkistanın ev sahibliyi edəcəyi U-20 dünya çempionatı haqqında paylaşım edib.

Allsport.az xəbər verir ki, funksioner sosial şəbəkə hesabında bunları yazıb:

“Böyük məmnuniyyətlə bildirirəm ki, 2027-ci il FİFA U-20 dünya çempionatı sentyabrın 17-dən oktyabrın 9-dək keçiriləcək! Azərbaycan və Özbəkistan dünyanın ən yaxşı gənc futbolçularını qarşılamağa və bir araya gətirməyə hazırlaşır. Hər kəsə uğurlar arzulayıram, orada görüşənədək”.

Dünya çempionatı 24 komandanın iştirakı ilə keçiriləcək.