Hər 2 lider büdrədi

Bu gün premyer liqanın 20-ci turuna yekun vurulub. Allsport.az saytı xəbər verir ki, son oyun günündə “Qəbələ” səfərdə “Kəpəz”in qonağı olub. Qarşılaşmada hesabı meydan sahibləri açsa da, 2-ci yarıda “qara-qırmızılar” hesabı bərabərləşdiriblər – 1:1.

Çempionatın digər öncülü “Qarabağ” bundan istifadə edə bilməyib, əksinə, uduzub. Doğma meydanda “İnter”lə üz-üzə gələn “köhlən atlılar” qapısından 1 qol buraxıb, “Azərsun arena”da ilk məğlubiyyətini alıb – 0:1.