İcraiyyə komitəsinin iclasında hansı qərarlar qəbul olundu?

Bu gün Gəncədə AFFA icraiyyə komitəsinin növbəti iclası keçirilib. 

Allsport.az xəbər verir ki, iclasda aşağıdakı qərarlar qəbul olunub:

1. AFFA-nın növbəti hesabat-seçki konfransı 2 aprel tarixinə təyin edilsin;

2. Müvafiq müraciətə əsasən, adları aşağıda göstərilmiş futbol veteranlarına AFFA-nın təqaüdü verilsin:
 
– İsmayıl Əliyev

– Esmiralda Ələkbərova (həkim)

– Qara Qarayev

– İqor Ponomaryov

– Vaqif Sadıqov

– Maşallah Əhmədov
 
Qeyd edək ki, “Kəpəz” futbol akademiyasının tikintisilə bağlı icraiyyə komitəsinə hesabat təqdim edilib.
 
İclasın sonunda AFFA-nın prezidenti Rövnəq Abdullayev öz istəyi ilə aprelin 2-də keçiriləcək hesabat-seçki konfransında namizədiyini irəli sürməyəcəyini bildirib.