İngiltərəli “Fənərbağça”da

İngiltərəli hücumçu Meyson Qrinvud karyerasını Türkiyədə davam etdirəcək.

Allsport.az xəbər verir ki, “Fənərbağça” futbolçunun transferini rəsmən açıqlayıb.

İstanbul təmsilçisi Qrinvudla 4 illik müqavilə imzalayıb.

“Fənərbağça” bu keçid üçün Fransanın “Marsel” klubuna 40 milyon avro və əlavə 2 milyon avro bonus ödəyəcək.

24 yaşlı hücumçu ötən mövsüm “Marsel”in heyətində bütün turnirlərdə 44 oyunda 26 qol vurub, 11 məhsuldar ötürmə verib.

O, daha əvvəl “Mançester Yunayted” və icarə əsasında “Xetafe”nin də formasını geyinib.